((((((((((بكرة او بعد بكرة اول ايام ذي الحجه)))))))))

من طرف **Meme** 2011-10-27, 19:35

Meme

بكره او بعد بكره اول ايام ذي الحجه

بكره او بعد بكره صيام

بس مش صيام بس

يعني احيانا نركز على موضوع الصيام وننسى ان الحديث بيقول («ما من أيّام العمل الصالح فيها أحب إلى الله من هذه الأيام، - يعني أيّام العشر -، قالوا: يارسول الله ولا الجهاد في سبيل الله؟ قال: ولا الجهاد في سبيل الله إلاّ رجل خرج بنفسه وماله فلم يرجع من ذلك بشيء».

يعني العمل الصالح كله ...مش بس الصيام

الصدقه

الذكر

قيام الليل

صله رحمك

بر والديك

مساعده من احتاج اليك

تعليم الناس الخير

الدعاء

اي عمل صالح وقد قال الرسول عليه الصلاه والسلام ((لا تحقرن من المعروف شيئاً ولو أن تلقى أخاك بوجه طلق)

دا غير بقى اهم حاجه واللي امرنا الرسول عليه الصلاه والسلام ان نكثر منها في هذه الايام وهي التحميد والتهليل والتكبير ( فأكثروا فيهن من التهليل والتكبير والتحميد )

يعني اي عمل صالح في هذه الايام فضله عند ربنا اكبر من انك تعمله هو هو بس في اي يوم تاني

فا يا ريت دي تبقى نيتنا

اننا نتقرب من ربنا بشىء بيحبه

ونحتسب عنده اننا بنتقرب له بما يحب

فيمكن نكون بنذكر او نتصدق او نصل رحمنا في اي يوم عير هذه الايام بنيه انها اعمال صالحه ترضي الله

لكن نيتنا في الايام دي هي ان ربنا بيحب فيها العمل الصالح اكتر من غيرها

يبقى اجرها عامل ازاي

دا غير لو تأملنا شويه حنلاقي الموضوع اوكازيون للحسنات

لان العمل البسيط في الايام دي اجره بيفوق اي عمل صاللح تاني في اي يوم تاني مهما كان قدره

يعني لما تتصدق في اليوم ده احب عند ربنا واعلى درجه من الجهاد في اي يوم تاني

يعني فرصه لاتعوض

عمل يسير.. اجر كبير... وقرب و محبه من ربنا

ومتنسوش يا جماعه ان دي تعتبر اخر فرصه السنه دي

رمضان عدى وبعده الست البيض من شوال

وبعده العشر من ذى الحجه ويوم عرفه وبعدين توشك ان تنتهي النفحات بقدوم اخر الاشهر الحرم شهر محرم

فاكرين لما الرسول عليه الصلاه والسلام قال ("ألا إن لله في أيام دهركم نفحات ... ألا فتعرضوا لها ")

يعني لازم نستغل الاوقات دي لان على ما تيجي تاني نفحه من النفحات دي قدمنا لحد شهر رجب ما فيش حاجه

مش حطول اكتر من كده

المهم الاستعانه بالله على كل ما ننوي من اعمال صالحه في هذه الايام العظيمه

فالله المستعان وعليه التكلان